Р. Х1амзатовасул асараздасан литературиябгун-музыкалияб композиция.

Учителасул цебераг1и:   Исана т1олго Россиялдаго, Россия тун къват1ибехунги  к1одо гьабулеб буго  Р.Х1амзатовасул 95 сон т1убай. Гьединал тадбирал гьарулел руго нилъер школалдаги. Жакъа нилъеца гьабулеб буго литературиябгун музыкалияб композиция Р. Х1амзатовасул  асаразда т1асан.

   Т1оцебе данделъи рагьила гимн ах1иялдаса,

Гуро гьит1инаб гьеч1о, гьудулзаби Дагъистан,

Гьелъул борхалъиялде ваха гьедин абулев:

Ахал т1огьода руго, т1огьал г1аздада руго,

Г1ат1идаб Каспиялда гуми лъедолел руго.

Т1адег1анаб, т1адег1анаб г1агараб

Маг1арулазул улка аваданаб Дагъистан!

Ведущая: Р.Х1амзатовасул  ц1ар рехсарабго нилъеда цебе ч1ола поэзиялъул т1убараб дунял. 1923 соналъул 8 сентябралда  Дагъистаналъул рорхатал муг1рузул Ц1ада росулъ гьавурав г1олохъанчиясул рек1елъ кунч1араб ц1аялъ, сонал индал, киса-кибего хинлъи бикьана. Жиндирго асаразул г1ажаибаб дунял поэтас г1уц1ана лъик1алан соназ, анц1-анц1 улкабазде щвана гьев, къо бахъанаг1ан машгьурлъана шаг1ирасул ц1ар , гьениб бихьа раг1аралъ асар  гьабун рижана ц1и-ц1иял куч1дул, поэмаби, къасидатал легендаби, сонетал, ункъжугьаби. Дунялалъул халкъазул г1умруялда жанив Х1амзатов вук1ана унго-унголъунги ракълил чапарлъун. Гьес рек1ел цого бух1игун хъвана Хиросималъул  унтулги, Ах1улгох1да Шамилица бихьизабураб багьадурлъиялъулги х1акъалъулъ. Соналдаса соналде г1ат1илъана гьесул поэзиялъул дунял, загьирлъана кьер-кьерал накъищал, рижун рач1ана ц1и-ц1иял героял, бечелъана асарал жанире рачарал ракьаздалъунги улкабаздалъунги. Поэт адабияб рокъове аралдаса сонал аниги, мех бахъанаг1ан, жеги-жеги асар  гьабулеб буго миллионал г1адамазе гьесул маг1на гъваридаб, г1акъиллъи камилаб шиг1рияб раг1иялъ.

  Гьанже раг1и кьела Р.Х1амзатовасул биография бицине 10 абилеб классалъул ц1алдохъан Лабазанихмаева Г1айшатие.

 Ведещая Р.Х1амзатовасул творчествоялда жаниб к1удияб бак1 ккола маг1арул мац1алъул, кеч1-бакъаналъул, культураялъул бицун хъварал куч1дуз.

Гьеб рахъалъ мисалияблъун буго поэтасул «Авр мац1», «Кеч1али щайгурин щибаб раг1иги» абурал куч1дул.

Гьел ц1ализе раг1и кьола 6 абилеб классалъул ц1алдохъан Алиева Кавсаратие ва 11абилеб классалъул ц1алдохъан Ибрагимова З.

Ведущая: Р. Х1амзатов вук1ана лирикияв поэт. Гьесул г1емер руго эбелалъул, Ват1аналъул, Дагъистаналъул , маг1арулазул ва цогидал темабазда хъварал куч1дул. Поэт кидаго ч1ух1арав вук1ана жидер гьунар к1удиял, рит1ухълъи ва эркенлъи хириял маг1арулаздаса.

Кеч1 «Маг1арулал» ах1ула:___________________________________________

Ведущая: Поэтас кидаго г1олохъанаб г1ел ах1улеб буго ц1ик1к1аразул адаб гьабизе, гьезул г1акълуялъухъ г1енеккизе. Бищун т1адег1анаблъун гьес  абураб кеч1 рик1к1унеб буго херал маг1арулазул г1акълу.

 «Херал маг1арулал» абураб кеч1 рик1к1уна:_________________________

Ведущая: Маг1арулазул г1умруялъулъ гьабсаг1ат кколел руго ч1ах1иял  хиса-басиял. Маг1арулал гочунел руго шагьаразде, къоялдаса къоялде лъик1лъулеб ва бечелъулеб буго гьезул рук1а-рахъин, амма кире щваниги маг1арулазул ях1ги г1амалги рехун тезе бегьунгут1и бихьизабулеб буго Р.Х1амзатовасул «Муг1рул тун авлахъазде  рахъунел  маг1арулал» абураб коч1олъ.

    «Муг1рул тун авлахъазде рахъунел маг1арулал» Магомедова Аминат  9 кл.

Ведущая:Р.Х1амзатовас 1965 соналда хъвараб «Къункъраби» абураб машгьураб кеч1 лъугьана киналго рагъазда ч1варал г1олохъаби рак1алде щвезариялъул гимнлъун. Т1олабго дунялалда руго Хъах1ал къункърабазде памятникал (пректоралда рихьизарила бат1и-бат1иял бак1азда рарал т1орит1улел руго 1986 абилеб соналдаса нахъе.

«Къункъраби» абураб кеч1 буссинабун буго бат1и-бат1иял мац1азде.

Г1урус мац1алде гьеб кеч1 буссинабуна Наум Гребневас т1оцебе гьеб кеч1 ах1ун буго Марк Бернесица, бакъан хъван буго композитор Ян Френкелица.

   «Журавли» видеоклип.

Расул Х1амзатовасул куч1дузулъ к1удияб бак1 ккола эбелалъул образалъ. Эбелалъул сипат гьабизе гьес ралагьула бищунго недегьал раг1аби.

Эбелалъул х1акъалъулъ  куч1дул ц1алула__________________________

Гамзалав Гамзалов « Эбелалъ дир кини кинидахъ куч1дул ах1ич1елани»

Ведущая: Муг1рул ч1ужуг1аданалъул гьайбатаб г1амалалъул х1акъалъулъ недегьал х1еренал раг1аби абун руго поэтас «Бокьула  маг1арул ясазул гьурмалъ»….. абун байбихьулеб коч1олъ.

   Кеч1 ц1алила 9абилеб классалъул ц1алдохъан Абдулаева Аминатица.

Ведущая: Руго Расул Х1амзатовасул нилъер обществоялда ругел г1унгут1аби къват1ир ч1вазарулел, гьезда данде къеркьеялъул нух бихьизабулел цогидал куч1дулги, гьединаблъун ккола «Ц1огьазул кеч1»

Мах1муд Г1абдулхаликъов «Ц1огьазул кеч1» (видеоклип)

«Эмен ва вас»

Расул Х1амзатовасул х1акъалъулъ ц1ар раг1арал г1адамаз абурал раг1аби.

Ведущая: Расул Х1амзатов киве кканиги киг1ан рик1к1адал , х1икматал улкабазде кканиги, гьесул рак1 кидаго Дагъистаналда буго. Г1емерал руго гьесул Дагъистаналде бугеб рокьи загьир гьабулел куч1дул.

«Дагъистан» Х1ажиева Хирилай

«Дагъистаналъул рохьал» Меселова Карина.